एच आई भि रोकथाममा संक्रमितहरु नै जुटे

पाल्पा २० मंसिर
किरण कौशल
एच आई भि संगै बाँचेकाहरुलाई परेको समस्या र एचआईभिका बिषयमा संचार माध्यममा समाचारहरु प्रकासन र प्रशारणमा सहयोग पुर्‍याउने उद्देश्यले पाल्पाको तानसेनमा एक कार्यक्रम गरिएको छ।
२०५७ सालमा स्थापना भई पाल्पाका १७ वटा गाबिस र एक नगरपालिकामा काम गर्दै आएको संस्था परिवार नियोजन संघ पाल्पा र नेपाल पत्रकार महासंघ पाल्प्ााको संयुक्त आयोजनामा एक अन्तरक्रिया कार्यक्रममा सहभागिहरुले आगामि दिनमा एचआईभि संग बाचेकाहरुलाई सहयोग गर्ने जनाएका छन्। कार्यक्रममा एचआईभी का बिषयमा अहिलेसम्म गरिएका प्रयास उपचार पद्धति लगाएतका बारेमा छलफल भएको थियो। कार्यक्रममा परिवार नियोजन संघ पाल्पाका प्रबन्धक मोहन बस्याल र ल्याब टेक्निसिएन शोभाकान्त न्यौपानेले सहजिकरण गर्नु भएको थियो। कार्यक्रममा ४ जना एच आई भि संगै बाँचेका र संचारकर्मिहरु बिच उनिहरुका समस्या भोगाई आगामि दिनमा गर्नुपर्ने सहयोगका बारेमा छलफल भएको थियो। पाल्पामा एच आई भि संगै बाचेकाको संख्या ७० जना र यसबाट प्रभाबित बालबालिका १३० जना रहेका छन भने ११ जना बालबालिका सक्रमित रहेको सकृय सेवा समाजले जनाएको छ।
कार्यक्रममा संक्रमितहरुले आफुहरुलाई आर्थिक अभाब भएको र खुलेर बाहिर आउदा पनि समाजले हेर्ने दृष्टिकोणमा परिवर्तन नआएकाले अझैसम्म चाहेर पनि कतिपयलाई बाहिर ल्याउन नसकिएको बताएका छन्। पाल्पामा उनिहरुले प्रतिबद्धता सहयोग समिति गठन गरेर गाऊगाऊमा चेतना जगाउने लगाएतका काम गरेका छन्। ११ जनाको समिती रहेको छ भने ३३ जना समितिका सदस्य रहेका छन्। पाल्पामा १४ जना सार्बजनिक भैसकेका छन भने सार्वजनिक हुने क्रम बढिरहेको छ। परिवार नियोजन संघ पाल्पाले पनि एचआईभिको क्षेत्रमा स्वच्छिक परामर्स सेवा तथा निशुल्क एच आई भि परिक्षण सेवा दिईरहेको छ।