शान्ति प्रकृयालाई निष्कर्षमा पुर्‍याउन डेनमार्कको सहयोग जारी रहने

कविराज नेपाल
पाल्पा मंसिर १९
डेनिस राजदुत फिन टिन्स्टेडले नेपालको शान्ति प्रकृयामा संयुक्त राष्ट्रसंघिय उच्च आयोग (अनमिन) को भुमिका प्रभावकारी भएको बताएका छन्। उनले नेपालको शान्ति प्रकृया अझै पुरा नभैसकेको बताउदै शान्ति प्रकृयालाई निष्कर्षमा पुर्‍याउन डेनमार्क सरकारको सहयोग जारि रहने बताए।
उनले शान्ति प्रकृया पछि आर्थिक क्रान्ति संभब हुने बताउदै नेपालमा राजनितिक दलहरुको सहकार्य अगाडि बढने बिचार ब्यक्त गरे। रिपोटर्स क्लब पाल्पाले बिहिबार तानसेनमा आयोजना गरेको पत्रकार अन्तरकृयामा उनले डेनमार्क सरकारले नेपालको आर्थिक सामाजिक बिकासका लागि सहयोग जारि राख्ने जानकारी दिए। उनले लोकतान्त्रिक मुलुकमा महिला, सामाजिक शसक्तिकरण, समावेशिकरण जरुरी रहेको बताउदै यस कार्यमा सबैको सहयोग अपरिहार्य रहेको जानकारि दिए। पाल्पा जिल्लामा डेनिस सरकारको सहयोगमा संचालित बिभिन्न कार्यक्रमहरुको स्थलगत अध्यनका लागि पाल्पा आएका डेनिस राजदुत फिन टिन्स्टेडले कार्यक्रम संचालन भएका गाऊहरुको भ्रमण गर्नुका साथै स्थानिय जनता संग छलफल गर्नुका साथै प्रशासक हरुसंग समेत छलफल गरेको जानकारी दिए। कार्यक्रम रिपोटर्स क्लब पाल्पाका अध्यक्ष प्रकाश खनालको सभापतित्वमा भएको थियो।